කුරුල්ලන්ගේ තටු අග ඉහළට එසවෙන ක්‍රමය
ගුවන්යානා පියාසර කරද්දී ඇති වන විශාල වායු සුළි නිසා ලොකු ඉන්ධන ප්‍රමාණයක් වැය වෙනවා. ඒ විතරක් නෙමෙයි ඒ අසලින් පියාසර කරන ගුවන්යානාවලටත් ඒ වායු සුළි බලපාන්න පුළුවන්. පියාසර කරද්දී විතරක් නෙමෙයි ගුවන්පථයේදීත් එක ගුවන්යානයක් ගුවන් ගත කළාට පස්සේ ඒකෙන් ඇති වෙන වායු සුළි නැති වී යනකම් ඊළඟ යානය ගුවන් ගත කරන්නත් බැහැ.
ගුවන්යානා ඉන්ජිනේරුවන් ඒ ගැටලු මඟ හරවා ගන්න ක්‍රමයක් හොයාත්තා. ඔවුන් පිළියම හැටියට දැක්කේ උකුස්සන්, රාජාලීන් වැනි පක්ෂීන් පියාසර කරද්දී උන්ගේ පියාපත් පිහිටන විදිහ අනුකරණය කිරීමයි.
මේ හැඩය නිසා ගුවන්යානාවලට වැඩි දුරක් පියාසර කරන්නත් වැඩි බරක් අරගෙන යන්නත් පුළුවන්. තටුවල දිග අඩුවන නිසා පොඩි ඉඩ ප්‍රමාණයක නවතා තබන්නත් පුළුවන්. ඒ විතරක් නෙමෙයි 2010දී ලෝකය පුරාම තියෙන එවැනි ගුවන්යානා නිසා ඉන්ධන ගැලුම් බිලියන 2ක් ඉතිරි වූ බවත් පරිසර දූෂණය විශාල වශයෙන් අඩු කරගන්න පුළුවන් වූ බවත් නාසා ආයතනය පවසනවා.
නිගමනය : කුරුල්ලන්ගේ තටු අග ඉහළට එසවෙන ක්‍රමය ඇති වුණේ අහම්බෙන්ද? නැත්නම් ඒක කාගේ හරි නිර්මාණයක්ද?
