මීවදයේ කුටීරවල ආකෘතිය හදන්න මීමැස්සට ඒ හැකියාව ලැබුණේ කෙසේද ?

මීමැස්සන් මීවද හදන්නේ උන්ගේ බඩේ යටි පැත්තේ තියෙන ග්‍රන්ථිවලින් ස්‍රාවය වෙන ඉටිවලින්. මේ විදිහට හදන මීවදය ඉන්ජිනේරු තාක්ෂණය පැත්තෙන් බලද්දී විශිෂ්ට නිර්මාණයක් කියලා කියන්න පුළුවන්.

 සිතන්න: යම් ඉඩ ප්‍රමාණයක්, අපතේ නොයන විදිහට බෙදන්න පුළුවන් හොඳම හැඩය ෂඩස්‍රාකාර හැඩය කියලත් එහෙම බෙදද්දී අමුද්‍රව්‍ය අවශ්‍ය වෙන්නේ ඉතා අඩුවෙන් කියලත් ගණිතඥයන් සියවස් ගණනාවක් පුරා දැනගෙන හිටියා. සම පාද ත්‍රිකෝණ හෝ සමචතුරශ්‍ර හැඩවලට බෙදනවාට වඩා එය වාසිදායකයි කියලා තේරුම් අරං හිටියත් ඒක හරියටම ඔප්පු කරන්න ඔවුන්ට පුළුවන් වුණේ නැහැ. ඒත් 1999දී ගණිතය පිළිබඳ මහාචාර්යවරයෙක් වන තෝමස් සී. හේල්ස් ඒ බව ගණිතමය සාක්ෂිවලින් ඔප්පු කළා.

මීමැස්සන් මීවදයේ කුටීර ෂඩස්‍රාකාර හැඩයට හදන නිසා අඩු ඉඩ ප්‍රමාණයකින් උපරිම ප්‍රයෝජන ගන්නත් සැහැල්ලු, ශක්තිමත් මීවදයක් අඩු ඉටි ප්‍රමාණයකින් හදන්නත් උන්ට පුළුවන් වෙලා තියෙනවා. ඒ විතරක් නෙමෙයි අඩු ඉඩක වැඩි මීපැණි ප්‍රමාණයක් රැස් කරන්නත් උන්ට පුළුවන් වෙලා තියෙනවා. එහෙම නම් මීවදය ගෘහ නිර්මාණ ශිල්පය අතින් බැලුවම උසස් ගණයේ නිර්මාණයක් කියලා කියන එක පුදුමයක් නෙමෙයි.

විද්‍යාඥයන් මීවදයේ ආකෘතිය අනුකරණය කරලා ශක්තිමත් වගේම අඩු ඉඩකින් උපරිම ප්‍රයෝජන ගන්න පුළුවන් දේවල් නිර්මාණය කරනවා. උදාහරණයකට ගුවන්යානා ඉන්ජිනේරුවන්, ගුවන්යානයේ පිටත ආවරණ හා විවිධ කොටස් හදන්න මේ ආකෘතිය යොදාගන්නවා. ඒ නිසා අඩු ඉන්ධන ප්‍රමාණයක් වැය වෙන ශක්තිමත් වගේම බරින් අඩු ගුවන්යානා නිර්මාණය කරන්න පුළුවන් වෙලා තියෙනවා.

 නිගමනය   :මීවදයේ කුටීරවල ආකෘතිය හදන්න මීමැස්සට ඒ හැකියාව ලැබුණේ අහම්බෙන්ද? නැත්නම් ඒ හැකියාව ඇතුව ඌව කවුරු හරි නිර්මාණය කළාද?

විද්‍යාව මේ පෘතුවිය තුල එය පටන්ගත්ත දවසේ ඉදලම තිබුන දෙයක් බව කව්රුත් දන්නවා. නමුත් යම් දෙයක් විද්‍යාත්මකයි කියල මිනිසාට වැටහෙන්නේ මිනිසා විසින් එය විද්‍යාත්මකව තහවුරු කරගන්න උත්සහ ගන්න විට හෝ තහවුරු කරගත්තට පස්සේ,.එතෙක් එය විද්‍යාත්මකය් කියල කව්රුත් කියන්න යන්නේ නෑ.

ශුද්ධ වූ අල් කුරානයෙහි වසර 1400 කට පෙර මීමැස්සන් ගැන සදහන් වෙලා තියෙනවා .

"ඔබගේ දෙවියන් මී මැස්සන්ට හොඳ වැටහීමක් ඇති කරන්නේය. “කඳුවලද, ගස්වලද, උස ගොඩනැගිලිවලද ඔබ කූඩු තනා ගනු”

“තවද ඔබ සෑම වර්ගයකම පලතුරුවලින් (මල්වලින්) පානය කර, ඔබගේ දෙවියන්ගේ පහසු මාර්ගයන්හි (ඔබගේ කූඩු තුළට) හැකිළී යනු”. මෙමගින් උගේ කුසෙන් විවිධ වර්ණයන්ගෙන් යුත් පානයක් (මී පැනි) ඉකුත් වන්නේය. එයින් මිනිසුන්ට සුවය ඇත. නියත වශයෙන්ම මෙහිද සිතා දැන ගත හැකි ජනතාවට එක් සාධකයක් ඇත”  (ශුද්ධ අල් කුරානය 16:68/69)

وَأَوْحَىٰ رَبُّكَ إِلَى ٱلنَّحْلِ أَنِ ٱتَّخِذِى مِنَ ٱلْجِبَالِ بُيُوتًا وَمِنَ ٱلشَّجَرِ وَمِمَّا يَعْرِشُونَ

ثُمَّ كُلِى مِن كُلِّ ٱلثَّمَرَٰتِ فَٱسْلُكِى سُبُلَ رَبِّكِ ذُلُلًا ۚ يَخْرُجُ مِنۢ بُطُونِهَا شَرَابٌ مُّخْتَلِفٌ أَلْوَٰنُهُۥ فِيهِ شِفَآءٌ لِّلنَّاسِ ۗ إِنَّ فِى ذَٰلِكَ لَءَايَةً لِّقَوْمٍ يَتَفَكَّرُونَ